زابل ءَ سلاہ بندین ءُ بے پجّاریں مردمان ءَ بلوچے آوار جتگ

رَسانک نیوز/ یکشمبے 23 آزر ماہ 1404 ءِ بیگاہ ءَ، زابل ئے شہدر برجاہ روڈ ءَ بلوچی کہ سلاہ بندین ءُ بے پجّاریں مردمان ءَ آوار جتگ، ویلئے چُنت ساھت ءَ پد داں انگت آئی ءِ ھالئے سرپد ئے نیست اِنت.

اے بلوچ کہ رَسانک ءَ «اُمید سارانی»، زابل ئے نندوکیں مردمی زانتگ، گوں ھچ کس ءُ ھچ گلی ءَ زاتی اَڑ ءُ جیڑے نہ بوتگ۔ آئی ءِ آوار جنگ بید چہ گیرّ ءُ چیلّ ءَ بوتگ.

رَسانک ئے ھال سرکنوکانے رِد ءَ، سلاہ بندیں مردماں کہ پژو گاڑی ئے نندوک بوتگ اَنت، زابل ئے شہدر برجاہ روڈ ءَ اے بلوچے دیم داشتگ ءُ پہ زور وتی گاڑی ءَ سوار کرتگ ءُ چہ اُداں در شُتگ اَنت.

داں انگت ءَ آوار جنوکانے پجّار، آیانے سوب ءُ اے بلوچئے دارگ ءِ جاگہ ئے باراوا ھچ پیمیں ھالے دست نہ کپتگ۔ آئی ءِ ھالے سرپد ئے نہ بوھگ ءَ بید چہ سیاد ءُ لوگئے مردمانے دل پریشانی یے گیش کنگ ءَ، جھمنندانے ھم دل پریشان کرتگ۔ اے جاور آں دمگ ءَ ایمنی ءِ کمّی ءَ ماریننت ءُ اے وڑیں ویلانے سرا سرکارئے دلگوش نہ‌ بیئگ ءَ درا کننت.