رَسانک نیوز/ دوشی 20 آزر ماہ 1404 ءَ، رزا سارانی شستون ئے در مُلکی باشندگانی کیمپ ءِ کارمند کہ دیمترا اُوگان باشندگانے لٹ ءُ شاپ ءُ بلوچی یے درکانود دزگیر کنگ ءَ بہر زورتگ ءُ پجّاری درا بوتگ، سلاہ بندین ءُ بے پجّاریں مردمانی تیرگواری ءَ ھمراہ ءِ ھوری ءَ تیر وارتگ ءُ ساہ اِش داتگ.
رزا سارانی وتی ھمراہ ءِ ھوری ءَ ھماں وھدا کہ شستون ءِ بازارا گاڑی ءَ گوں روگ ءَ بوتگ، سلاہ بندین ءُ بے پجّاریں مردمان ءَ آیانے سرا تیرگواری کرتگ۔ اے اُرش ءَ گاڑی ءَ نندوکیں دوئیں مردم کُشگ بوتگ اَنت.
داں انگت ءَ جنوکانے پجّار ءُ آیانی سوب چہ رزا سارانی ئے کُشگ ءَ زانگ نہ بوتگ ءُ نہ کہ اے ویل ءِ گیشتریں ھالے دست کپتگ.
گوشگ لوٹیت: ماں تاریک 14 شہریور 1404 ءَ، اُوگان باشندگانے دزگیر کنگ ءَ پد رزا ءَ، آیاں ٹرک ءَ بار جَتگ اَنت ءُ راہ ءَ ٹرک ءَ گوں زانتیا گاڑی یے ٹوکر وارتگ۔ رزا پہ وتی رَکّینگ ءُ تاوان ئے نہ دیگ ءَ زانتیا ئے ڈریور ءِ سرا اُوگان آنے تاچینگ ءِ الزام بستگ.
Be the first to comment