چھبار ءَ بلوچے چُکیئے بیگواھی ءِ بیست ءُ چار ساھت ءَ پد، داں انگت ھاندان ءَ آئی ءِ ھالے سرپدئے دست نہ کپتگ

رَسانک نیوز/ جمے 21 آزر ماہ 1404 ءَ، چھبار ءَ بلوچے چُکی کہ پنچشمبے روچ ءَ بیگواہ بوتگ داں انگت ءَ آئی ءِ ھالے سرپدئے نیست اِنت۔ اے گپّ ءَ لوگئے مردم سکّ ءَ دل پریشان کرتگ ءُ آیاں چہ مهلوک ءَ پہ وتے چُکّئے شوہاز ءَ کمک لوٹتگ.

رَسانک ءَ اے چُکّئے پجّار «مهمد ھالکی»، 13 سالگ، دُرمهمد ئے چُک، چھبار ئے نندوکیں مردمی زانتگ.

مهمد ئے ھاندان ئے گوشتانک ءِ رِد ءَ، مهمد پنچشمبے بیگاہ ساھت شش ءَ پہ نان ءِ زورگ ءَ چہ لوگ ءَ ڈنّ شُتگ ءُ داں انگت واتر نہ بوتگ۔ ھاندان ءَ گوشتگ: آئی ءِ موبائل پئون لوگ ءَ پَشت کپتگ ءُ آیان ءَ وتی چُکئے روگ ءُ آھگ ءِ راہ یاں کہ آئی ءِ جاگہ ئے باراوا ھچ زانتکارییے نیست اِنت.

مهمد ئے بیگواھی ءِ وھد ئے مزن بوھگ ءَ لوگئے مردمانی دل پریشانے گیش کنان اِنت ءُ آیان ءَ اے نمبر شِنگ کرتگ ءُ چہ مهلوک ءُ مردماں پہ وتی چُکّئے شوہاز کنگ ءُ آئی ءِ ھالے سرپدئے دست کپگ ءَ کمک لوٹتگ:
0915 749 5054
ھر کس ءَ اے بابت ءَ ھالے دست کپت ھال آں اے نمبرا سر بہ کننت ءُ ھاندانئے دل پریشانیاں کم بہ کننت.