رَسانک نیوز/ 9 آزر ماہ 1404 ءِ بانگواہ ءَ، پہرہ ئے ایران نادراہجاہ ءِ نزّیک ءَ راہ ءَ رؤکیں زانتیا گاڑی یے گوں چیک پوسٹ ئے بُتنی ساچگ آن ءَ ٹوکر وارتگ ءُ گاڑی ءَ نندوکیں دوئیں بلوچان ءَ ساہ داتگ.
رَسانک ءَ مُرتگیں بلوچ آنے پجّار «مھرداد آزرنوش (شهنوازی)»، اَلی ئے چُکّ، ءُ «اکبر دادلزھی (شهنوازی)»، اللہ بکش ئے چُکّ، دوئین آں پہرہ ئے نندوکیں مردم زانتگ.
رَسانک ئے ھال سرکنوکانے رِد ءَ، گاڑی یے گوں بُتن آں ٹوکر، ھمینچو زور دار بوتگ کہ دوئیں نندوکان ءَ چہ گاڑی ءَ ڈنّ چگل وارتگ، ھماں جھمننداں کہ پیسرتر ویلئے جاہ ءَ سربوتگ اَنت گوں رَسانک ءَ گوشتگش: کمک سرکنوکیں باسک ئے ٹولی ھالئے سربوھگ ءِ ساھتی ءَ پد جاہ ءَ سر بوتگ۔ گوں ایشی ءَ کہ ویلئے جاہ تاں کہ پہرہ ئے بازار کمّیں راہ اِنت.
ھال سرکنوکان ءَ گوشتگ: اے ویلئے پُژدر داں انگت زانگ نہ بوتگ، بلے ٹوکر ورگ ءَ پد گاڑی یے ژندی ءُ پُروش ءَ ویلئے زورا درا کرتگ، دلگوش دیگ ئے نشانگ آنے نہ بوھگ ءُ راہ آنے ایمن نہ کنگ، چہ اے ویلئے سوب آں زانگ بنت۔ کمکی ٹولی ئے ویل ءِ جاہ ءَ دیر سر بوھگ ءَ جانی نُکس ءُ تاواں گیش کرتگ۔ زمہ وار آنے اے درگت ءَ دلگوش نہ بیئگ ءَ جھمنند آنے ساہ ءُ جان گوں ھترا گیشتر دیمپان کرتگ.
Be the first to comment