رَسانک نیوز/ 22 آبان ماہ 1404 ءَ، اسکلآباد ءُ واش ءِ راہ ءَ توتک دمگ ءِ نزّیک ءَ، سیاھیں پژو 405 گاڑی ئے سلاہ بندیں نندوکان ءَ راہ ءَ رؤکئیں پژو پارس گاڑیئے سرا تیرگواری کرتگ کہ آئی ءِ ڈریور ءَ پادا تیر وارتگ ءُ ٹپیگ بوتگ.
رَسانک ءَ ٹپیگ بوتگیں بلوچے پجّار «آریان شاھوزھی»، 40 سالگ، دینمھمد ءِ چُک، آروس کرتگ ءُ ھپت زھگ ئے پت، بُندر ءَ واش ءِ نندوکیں مردمی زانتگ.
رَسانک ءِ ھال سرکنوکانے رِد ءَ، ھماں وھدا کہ آریان چہ اسکلآباد ءَ دیم پہ واش ءَ روگ ءَ بوتگ چہ سلاہ بندیں مردمانی تیرگواری ءَ ماں پادا تیر وارتگ ءُ ٹپیگ بوتگ۔ ویل ءَ پد آئی نادراہجاہ ءَ سرکنگ بوتگ ءُ درمان بوھگ اِنت.
داں انگت ءَ جنوکانے پجّار ءُ آیانے سوب چہ اے کار ءَ زانگ نہ بوتگ.
Be the first to comment