بلوچیئے بے ساھیں جون چہ پہرہ ئے مزن شہدربر جاہ ئے دیم ئے پُلّ ءِ چئیرا دست کپتگ

رَسانک نیوز/ مروچی شمبے 17 آبان ماہ 1404 ءَ، پہرہ ءِ نوک آباد دمگ ءَ ولایت مزن شہدربر جاہ ءِ دیم ئے پُلّ ءِ چئیرا چی بلوچیئے بے ساھیں جونی کہ لهیپ ئے تہا پتاتا بوتگ، دمگ ءِ زمہ واریں مردمانی دست ءَ کپتگ.

رَسانک ءِ ھال سرکنوکانی رِد ءَ، اے بے ساھیں جونئے گُدانی کیسّگ ءَ کاگدی دست کپتگ کہ آئی ءِ سرا اے مرد ئے نام ءُ ھاندان ئے پئون نمبر نبشتہ بوتگ، چہ اے کاگد ءَ آئی ءِ نام «یونس رکشانی»، زانگ بوتگ. داں انگت ءَ اے ھال اَلّم نہ اِنت کہ آئی کُشگ بوتگ یاں کہ وت ساھی داتگ.

ھال سرکنوکان ءَ گوشتگ: بے ساھیں جون ئے دست کپگ ءَ پد، دمگ ءِ زمہ واران ءَ گوں شورا اے گپّ ٹاھینتگ ءُ انتزامی ٹولی ءُ جُست پرس کنوکیں ادارہ ئے کارمند جاہ ءَ سر بوتگ اَنت ءُ اے بے ساھیں جون ءَ پہرہ ئے برپ ھانہ ءَ داتگ.