رَسانک نیوز/ 24 مہر ماہ 1404 ءَ، شستون ءُ واش ءِ راہ ءَ، گُشت ئے دمگ ءَ بلوچے ٹیلکشّے چہ گاڑی ئے لیٹ ورگ ءَ ساہ داتگ.
اے بلوچے ٹیلکشّئے پجّار «آرمان شھنوازی»، 23 سالگ، کامران ءِ چُک، بُندر ءَ واش ءِ ھئیر آباد دمگ ءِ نندوکیں مردمے زانگ بوتگ.
اے ھالے رِد ءَ، ھماں وھدا کہ آرمان وتی گاڑی ءَ گوں چہ شستون ءَ دیم پہ واش ءَ رَوَگ ءَ بوتگ، گُشت دمگ ءِ نزّیک ءَ ویلے ءَ گوں دپ کپتگ ءُ چہ ٹپّانے باز بوھگ ءَ ساھے داتگ۔ کرار بوتگ دیمیں ھپتگ ءَ آئی ءِ آروس بہ بیت.
گوشگ لوٹیت: کریب پنچ سال دیمترا آئی ءِ مزنیں برات شهدر شهنوازی ٹیلے کَشّگ ئے وھدا چہ نزامے ٹولی ءِ تیرگواری ءَ ماں سرا تیر وارتگ ءُ کُشگ بوتگ.
Be the first to comment