رَسانک نیوز/ چارشمبے روچ ءَ 9 مہر ماہ 1404 ءَ، پہرہ ءِ بندیگجاہ ءَ بلوچے بندیگے پد چہ ھشت سال بندیگ بوھگ ءُ سر گردانے ءَ چہ ڈاکٹر آنے دلگوش نہ بیئگ ءُ بندیگجاہ ءِ زمہ وارانے چہ ڈنّ ءَ درمان آنے دیمے دارگ ءُ سر نہ کنگ ءَ آئی ءَ ساہ داتگ.
اے بلوچے بندیگے پجّار «یوسپ مھمودزھی»، گلام مھمد ئے چُک، واش ءِ پیگل دمگ ءِ نندوکیں مردمے زانگ بوتگ۔ گوستگیں ھشتیں سال آن ءَ آئی پہ مواد ءِ الزام ءَ پہرہ ئے بندیگجاہ ءَ دارگ بوتگ.
اے دوران ءَ یوسپ ءَ گُٹّگ آنے نادُراہی ءَ گون جتگ ءُ آئی ءِ ھالت سکّ ءَ نگیگ بوتگ۔ بلے بندیگجاہ ءِ زمہ واران ءَ آئی ءِ در چہ بندیگجاہ ءَ، شرتریں درمانے دیم داشتگ۔ گُڑ سرا پد چہ ایشی ءَ کہ یوسپ ئے گُٹّگ آں چہ کارا کپنت، آئی ءَ در چہ بندیگجاہ ءَ دیالیزے موہ دیگ بوتگ.
اے بلوچے بندیگ سئے شمبے روچ ءَ 8 مہر ماہ ءَ، چہ پہرہ ءِ بندیگجاہ ءَ پہ اُدے نادراہجاھے ءَ سر کنگ بوتگ۔ بلے ھالتی سکّ ءَ نگیگ بوتگ ءُ آئی ءَ ساہ داتگ.
Be the first to comment