رَسانک نیوز/ مروچی یکشمبے روچ ءَ 23 شہریور ماہ 1404 ءِ بانگواہ ءَ، دُزاپ ئے بندیگجاہ ءَ بلوچے بندیگے کہ دیمترا پہ سپاہ ئے جھمنندیں کارمندیئے کُشگ ئے الزام ءَ پاھو ئے ھُکم وارتگ، پاھو دیگ بوتگ.
اے بلوچے بندیگے پجّار «آمِر پُرکی (بلوچزھی)»، 28 سالگ، مھمد شمسالدین ئے چُک، یک پنچ سالگیں جنیں زھگیے پت، بُندر ءَ بم پشت ءُ انّیگیں وھدا شستونے جھمنند زانگ بوتگ.
رَسانک ئے ھال سرکنوکان ءَ گوشتگ: آمِر ئے سرا بستگیں الزام اے بوتگ کہ آئی ءَ سال 1400 ءَ پد چہ ایشی ءَ کہ آئی ءِ پت ءُ سپاہ ءِ دگہ مرادجان دھواری نامیں جھمنندیں کارمند یئے میان ءَ چہ سپاہ ءَ، سیمسرانے بُنجاہ ئے آسراتی ئے رَسگ ءَ جیڑہ ءُ ٹکّر بوتگ ءُ ھمیں در ءُ دوراں مرادجان کُشگ بوتگ ءُ آئی ءِ کوش ئے الزام آمر ے سرا جنَگ بوتگ۔ دزگیر بوھگ ءَ پد، اِنساپ دیوکیں ادارہ آمر ءَ پاھو ئے ھُکم داتگ.
آئی دیمترا ماں تاریک 24 پروردیں ماہ 1404 ءَ، دُزاپ ءِ بندیگجاہ ءَ پہ پاھو ئے دیگ ءَ ایوکیں واڈ ءَ شور دیگ بوتگ۔ بلے سئے روچ ءَ پد یک ماھیئے موہ دیگ بوتگ داں کہ دیمیں مردمانے گون ءَ رازی نامہ بہ کنت۔ اے پیم آئی دوبارگ پہ بندیگجاہ ئے ھوریں واڈ ءَ رھادگ بوتگ، بندیگجاہ ءِ سروک ءُ کار مستر آن ءَ ماں 18 مرداد ماہ ءَ ھم ھمیں وڑیں گامگیجی کرتگ.
Be the first to comment