چھبار ءَ چار ماہ دیمترا بیگواہ بوتگیں بلوچے ورنایی داں انگت ءَ آئی ءِ ھالے سرپدئے نیست اِنت

رَسانک نیوز/ یکشمبے روچ 2 شہریور ماہ 1404 ءَ، «نوید پاسادپ»، شیرمھمد ئے چُک، 28 سالگیں ورنایی، راسک ءَ اھمد بازار ئے کشاری دمگے نندوک بوتگ، چار ماہ دیمترا آئی پہ ھِشت ءُ بلوک ئے جَنَگ ءِ کارا چھبار ءَ روگ ءَ پد گار ءُ بیگواہ بوتگ.

آئی ءِ سیادان ءَ گوشتگ: نوید دو سال دیمترا پہ کار ءُ مھنت ءَ چھبار ءَ لڑ اِتگ ءُ اُداں بلوک ءُ ھشت ئے جنگ ئے کارا دلگوش بوتگ، بلے چار ماہ دیمترا آئی چہ وتی کار ءُ نندگ ئے جاہ ءَ بے ترپ ءُ توار ءَ بیگواہ بوتگ ءُ لوگے مردمانے تر ءُ تاب پہ آئی ءِ ھالے سرپدئے دست کپگ ءَ داں انگت سوبیں نہ بوتگ.

اے بلوچے ورنا ئے لوگے مردماں چہ آئی ءِ بازیں وھدا بیگواہ بوھگ ءَ، سکّ دل پریشان اَنت ءُ چہ جھمننداں لوٹتگش اے درگت ءَ اگاں ھالے آیانی دست ءَ کپت، ھالاں جہلا داتگیں نمبر ءَ سر بہ کن اَنت.
09915732636

نوید پاسادپ ئے ھالے سرپدئے نہ بوھگ ءَ لوگ ءُ دمگ ءَ نندوکیں مردمان ءَ سکّ دل پریشاں کرتگ ءُ آیان ءَ چہ جھمنندان ءُ سرکاری زمہ واران ءَ لوٹتگ کہ پہ نوید ئے ھالے سرپدئے ءَ جُھد ءُ کوشست بہ کن اَنت.