رَسانک نیوز/ سئے شمبے 21 مرداد ماہ 1404 ءَ، مگس ءِ کُہنیں کلاتے جاہ ءَ بلوچے ئے دست ءُ پاد بستگیں بے ساھیں جونے دمگ ءِ نندوکیں مردمانے دست ءَ کپتگ۔ آیان ءَ گوشتگ دو داں سئے روچ چہ آئی ءِ مرک ءَ گوستگ ءُ آیان ءَ اے بے ساھیں جون ءَ مگس ءِ امید نادراہجاہ ءِ پرپ ھانہ ءَ سر کرتگ.
اے بلوچے پجّار «ابدلواھد دھانی»، رسولبکش ءِ چُک، آروس کرتگ ءُ یک زھگے پت، مگس ءَ گتان ءِ دمگ ءَ نندوک بوتگ.
گوشگ لوٹیت: ابدلواھد ءِ دست ءُ پاد بستگیں بے ساھیں جون دست کپتگ، بلے اے زانگ نہ بوتگ کہ جنوکان ءَ آئی ءَ چی پیم ءَ ؤ چی ءَ کُشتگ. ابدلواھد چہ یکشمبے روچ ءَ 19 مرداد ماہ ءَ بیگواہ بوتگ ءُ لوگے مردمان ءُ سیادان ءَ آئی ءِ شوھاز ءَ بوتگ اَنت.
Be the first to comment