رَسانک نیوز/ شمبے 28 تیر ماہ 1404 ءِ شپ ءَ، سرباز ءِ انزا دمگ ئے سرا، سلاہ بندیں مردمانے اُرش ءَ پد، تاریک 19 پروردین ماہ 1403 ءَ سلاہ بندیں مردمانے تیرگواری ءَ کُشگ بوتگیں پیسرگیں بلوچ سیاسی بندیگے برات ءِ لوگے سرا تیرگواری کرتگ.
لوگے واھُند ئے پجّار «نَییم ملازھی» ابدل مجید ءِ چُک ءُ «اِماد الدین ملازھی» ئے برات ءُ بُندر ءَ سرباز ءِ انزا دمگ ءِ نندوکیں مردمے زانگ بوتگ.
رَسانک ءِ ھال سرکنوکان ءَ گوشتگ: اے تیرگواری کہ ماں شپ ءِ تہاری ءَ بوتگ، کسی ءَ جانی نُکسے نہ داتگ، سلاہ بندیں مردمان ءَ لوگے دروازگ ءُ دیوار آنے سرا تیرگواری ءَ پد چہ جاہ ءَ دَر شُتگ اَنت.
اے ویل ءَ پد، لہتیں چہ بلوچے سماجی جُھد کاران ءَ چہ دمگ ءِ آلم آں، سروکیں مردمان ءُ انزائے جمے پیش امام (مولوی ابدلاھد ملازھی) ءَ دست بندی کرتگ کہ جھمنندانے شکّ ءُ وھمے بنیاد ءَ تیرگواری کنوکیں مردمانے پجّار ءَ درا بہ کن اَنت، اگاں اَڑ ءُ جیڑے است آئی ءَ گوں ھبر ءُ دیوان ءَ بہ سِند اَنت، پیسر چہ ایشی ءَ کہ اے جیڑہ گرانتر بہ بیت.
Be the first to comment