رَسانک نیوز/ پنچشمبے روچ 12 تیر ماہ 1404 ءَ، بمپور ءِ کاسم آباد دمگ ءِ کلاتان ءِ میتگ ءَ سُہب ءِ ساھت 11:30 ءَ، بے پجّارین ءُ سلاہ بندیں مردمان ءَ ھماں وھد ءَ بلوچی ئے سرا تیرگواری کرتگ ءُ کُشتگ کہ آئی وتی کار ءِ جاہ ءَ نوروزی تندور (نانوایی) ءَ وتی ھمروچی کاراں دِلگوش بوتگ.
اے بلوچے پجّار «الیرزا نوروزی»، 20 سالگ، نزر مھمد ءِ چُک، کاسم آباد ءَ کلاتانے نندوکیں مردمے زانگ بوتگ۔ آئی چہ وتی دمگے ڈلگیں مردماں بوتگ ءُ تندور ءُ نان ءِ کار ءُ بارے کرتگ، پیسریگین نارازی ءُ بیہار اے اَڑ ءُ جیڑئے بُن ءُ ریشگ زانگ بنت.
دیمترا چُنت برا پجّاروکیں مردمان ءَ نوروزی ئے لوگ ءِ چادر ءُ چاردیواری پادلپاش کرتگ ءُ لوگ ءِ سامان پُروشتگ اَنت۔ آیان ءَ نوروزی ئے لوگ ءِ مردمان ءَ کُشگ ءِ بیہار داتگ.
ھال سرکنوکان ءَ گوشتگ: اے ویلان ءَ پد، نوروزی ئے لوگ ءِ مردم وتی رپوٹ بمپور ے پاسگاه ءَ لکتگ، بلے امنیتی باسک ءِ رندگِیری نہ کنگ ءَ، ھبر پہ الی رزا ئے کُشگ ءَ سر بوتگ.
گوشگ لوٹیت: امنیتی باسک ءِ مان نہ آرگ ءُ پریشاں کنوکاں گوں ٹکّر نہ زورگ ءَ یک بری پدا، بلوچے ئے جان ءُ ساہ گپتگ ءُ دمگ ءِ نندوکانے ترُس ءُ بے بروسہ ای گیش کرتگ.
Be the first to comment