پھرگ ءِ کلّینک تاج مھمد ھانی دمگ ءَ امنیتی باسک ءِ ٹولی ءَ اُرش کرتگ ءُ یک بلوچ جھمنندی آوار جتگ

رَسانک نیوز/ دوشمبہ روچ 1 اردیبھشت ماہ 1404 ءَ پھرگ ءِ امنیتی باسک ءِ ادارے کارکنوکان ءَ کلّینک تاج مھمد ھانی دمگ ءَ یک جھمنندئے لوگ ءِ سرا اُرش کرتگ ءُ آئی ءَ آوار جتگ.

اے بلوچ جھمنند ءِ پجّار، «مھمدامین» شاھکزھی 23 سالگ، ھوشنگ ءِ چُک، پھره ءِ کلّینک تاج مھمد ھانی ءِ نندوک زانگ بوتگ.

گوشگ لوٹیت، امنیتی باسک ءِ جُست پرسی ادارے کارکنوکان ءَ مھمدامین ءِ لوگ ءِ سرا اُرش ءَ پد، گوں بیل ءَ آئی ءِ نیم بونڈکیں لوگ ءَ بازیں کڈّیی جتگ ءُ چارتگ اِش، بلے آیان ءَ ھچ پیمیں مشکوکیں چیزی یا سبوتی دست نہ کپتگ.

داں اے وھد ءَ مھمدامین ءِ آوار جنگ ءِ سوب زانگ نہ بوتگ، نہ اے زانگ بوتگ کہ گجر ءَ آئی ءَ کجام جاہ ءَ داشتگ ءُ نہ آئی ءِ وتی جند ءِ ھال ءُ ماهول ءِ سرپدیی دست کپتگ.