رَسانک نیوز، جُمه روچ ءَ 29 پروردین ماہ 1404 ءَ، دلگان ءَ صُلاح ءُ راضی نامے دیوانی برجم دارگ بوتگ۔ اے دیوان ءِ برجم دارگ ءِ سوب جمشیدزھی ءُ دینارزھی کبیلہ ءُ کٹھمدانانی میان ءَ کہنین ءُ گرانیں اَڑ ءُ جیڑانی سِندَگ ءُ گیش اِینگ بوتگ.
اسپیت ریشانی جُھد ءَ گوں اے دیوان ءَ دوئیں کٹھمدانانی (جمشیدزھی ءُ دینارزھی) میان ءَ راضی نامہ بوتگ ءُ دوئیں کٹھمدانان ءَ یک ءَ دگر اِیش پہل کرتگ.
اے پیم دیوان ءِ گپتن ءٗ اَڑ ءُ جیڑے سِندَگ، بلوچ کوم ءُ راج ءِ دود ءُ رُبیدگ ءِ بہر اِنت کہ وتی کومی ءُ تھوکے ھبراں ڈنّ ءَ شنگ بوگ ءَ پیسر وت پہ وتی سند اَنت ءُ ھلاس کن اَنت. بلوچ دود ءُ رُبیدگ ءَ بازین دگہ ھنچیں بہر است اَنت کہ شرّی ءِ سرا دیم ءَ بہ رو اَنت بلوچ راج ءَ بید پہ اے دگہ راج ءُ کوماں ھم، مثال جوڑ بہ اَنت.
Be the first to comment