دُزآپا دو بلۆچ جهنند که پجّاری کاٹ آیان بوتگ درمُلکی هسابا نزامی نیروانی دستا اردوگاها برگ بوتگ‌اَنت

رَسانک نیوز

جمهئے رۆچا ۲۶ بهمن ۱۴۰۳، دو بلۆچ جهمنند که گۆن وتا برات بوتگ‌اَنت و پجّاری کاٹ هم بوتگش دُزآپئے کلانتری ۱۷ ئے نزامی نیروانی دستا گۆن درمُلکی مردمئے هسابا آوار جنَگ و دُزآپا الگدیرئے اردوگاها په سمسیرئے رد کنگئے واستا برگ بوتگ‌اَنت.

اے دوێن بلۆچ جهمنندانی پجّار (مهین سلاهزهی)، ۱۸ سالگ، و (هامد سلاهزهی)، ۲۰ سالگ، رهیمئے چُکّ و دُزآپئے مردم گوَشگ بوتگ‌اَنت.

گێشێن هالانی رِدا، کساس زهرئے ساهت یکا، اے دوێن برات دُزآپا زایهاتئے جم کنگا بوتگ‌اَنت کلانتری ۱۷ئے نزامی نیروانی دستا آوار جنَگ و اے کلانتریئے بازداشتگاها برگ بوتگ‌اَنت و پد چه آییئے لۆگئے مردمانی آیگا گۆن آیانی پجّاری کاٹانی گۆما، اے اردوگاها په سیمسرئے رد کنگئے واستا برگ بوتگ‌اَنت.

گوَشگ بیت که کلانتری ۱۷ئے نزامی نیروان، گۆن اے دوێن مردمانی ماتئے گۆما گۆن تْرندی هبر کُرتگ و گوشتگش که شمئے دوێن چُکّ اپگانستانا راه دئیگ بنت. گۆن لۆگئے هلکانی دُمبالگیری گۆن پجّاری کاٹانی گۆما پێشش کُرتگ که گوشگ بیت کلانتیری وتسرا کار کنگا اِنت و مردمان اردوگاها بارت.