مهرستانا یک ٹێلکش بلۆچے گۆن آس سۆچیا ٹپّیگ بوتگ

رَسانک نیوز

چارشمبهئے رۆچا ۱۹ دئے ۱۴۰۳، مگسئے شهرا کساس ناگئے هلکا دو ٹێلکشێن ماشینا ڈیکّر وارتگ و آس گپتگ‌اَنت یکّے چه دوێن ماشینانی نندۆک ٹپّیگ بوتگ.

اے بلۆچ ٹیلکشئے پجّار (سئیید) و مگسئے نندۆک گوشگ بوتگ.

گێشێن هالانی رِدا، گۆن دو ٹێلکشێن ماشینئے ڈیکّر ورگئے گۆما که دوێن ماشین آس گپتگ‌اَنت یکّے چه دوێن ماشینانی نندۆکان ٹپّیگ بوتگ.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریانی تها ۲۸ ٹێلکشّا وتی ساه چه دستا داتگ و ۱۷ کس ٹپّیگ بوتگ. جادهی وئیلانی تها هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کسا وتی ساه چه دستا داتگ و ۲ کس ٹپّیگ بوتگ. دگه وئیلانی تها چۆ هار، آس سۆچی ٹێلئے ڈیپوئے تها و یک دگه نامالومێن مئوردے تها هم کم چه کم ۱۴ کس ٹپّیگ و بێران بوتگ.