رَسانک نیوز

یکشَمبِهئے رۆچا ۲۵ شهریور ۱۴۰۳، یک نامالومێن لاشے که دست و پادی گۆن زمزیل بستگ و سۆچگ بوتگ، تێسئے مُلکا چه چهبارئے دمگانی هلکی مردمانی دستا درگێجگ بوتگ.

چه اے جهمنندێن بلۆچئے پَجّارا تان انّون هچ هالے نێست.

گوَشگ بیت که اے جهمنند چُنت مردمئے دستا برگ و گۆن زمزیل بندگ و سۆچگ بوتگ که آییئے لاش یک نۆک ورناهیئے دستا درگیێجگ بوتگ که آییئے لاش سُچگئے سئوبا جُتا جُتا بوتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.