رَسانک نیوز

پنچشَمبِهئے رۆچا ۱۵ شهریور ۱۴۰۳، سلاهبندێن دُزّ که یک ماشینیا سوار بوتگ‌اَنت اسکل آبادئے پُمپئے نزّیکیا واشئے شهرا، دُزآپ و واشئے شهدگا یک هاورێن ماشینے اۆشتارێنتگ و رانندهِش جتگ و پد چه اِشیا که ٹپّیگ بوتگ، آییئے بارِش دُزّتگ.

ٹپّیگ بوتگێن بلۆچئے پجّار (ناسر براهویی)، ۲۹ سال انت، سور کُرتگێن و چُکّئے واهُند و اسماێل آباد، واشئے نندۆک انت و پد چه اِشیا که اے شهرئے نادراهجاهئے برگا آییئے هال وشّ گوشگ بوتگ.

گێشێن هالانی رِدا، کساس ساهت نُها سلاهبندێن دُزّ که یک ماشینیا سئوار بوتگ‌اَنت کلچاتئے پُمپئے نزّیکیا، اسکل آبادا یک هاورێن ماشینیئے راننده گۆن نیبگێن بارا اۆشتارێنتگ و رانندهِش گۆن تُپنگئے کُنداکا جتگ و چه سرێنئے نێمگا ٹپّیگش کُرتگ و آییئے ماشین گۆن بارا دُزّتگ و چه اۆدا آتکگ‌اَنت.

گوشگ ببیت که دُزّی و ناامنی بلۆچستانئے جاه جاهان چُش گێش بوتگ که رند چه دُزآپئے هۆنێن جُمَهئے مُچّی کُشگا و مردمانی زهرشانیان رَند، هزاران امنیتی و نزامی نیرو، نزامی ماشین و میلیاردان پول اے امنیتی و نزامی نیروانی واستا په بلۆچانی جنَگئے واستا هاس کنگ بوتگ.