رَسانک نیوز

چارشمبهئے رۆچا ۱۴ شهریور ۱۴۰۳، پهال مدنی بانُک (توران همّل زهی) هاجی پتے هانئے چُکّ انت، پهرهئے نندۆک اِنت گۆن جسمی نادراهیان تلپون جنگ دُزآپئے اداره اتلاهاتا لۆٹاێنگ بوتگ.

گێشێن هالانی رِدا، اداره اتلاهاتئے نیرو چارشمبهئے رۆچا ۱۴ شهریور اے شهری جاوری کارزانتئے سرا گوانک کُرتگ و چه آییا لۆٹتگِش که ۱۷ شهریورا دُزآپئے اداره اتلاهات برئوت.

بانُک همّل زهی اے گوانکا اداره اتلاهاتئے مردمی گوَشتگ‌اَنت که آییئے جسمی هال وشّ نه‌اِنت و گۆن اے هالئے گۆما آییئے واستا چه شستونا سپر کنگ و دُزآپا رئوگ نبیت.

گوشگ ببیت، بانُک همّل زهی چه جاوری کارزانتان اِنت که گوستگێن سالان بلۆچێن مردمانی و آیانی لۆٹانی واستا بازێن کۆشستی کُرتگ و بازێن برے چه اداره اتلاهات و اێرانئے جماوری اسلامیئے نزانی و آمیدگسئے نێمگا لۆٹاێنگ و شکنجه کنگ بوتگ.