رَسانک نیوز

سئے شَمبِهئے رۆچا ۶ شهریور ۱۴۰۳، پنچ کس چه سئے ٹئێرێن موتوریئے نندۆکان که چار کس چه آیان کارگرێن چُکّ و یک نۆک ورناهے بوتگ‌ و هرابێن چیزّ جم کنگا بوتگ‌اَنت دُزآپئے کلانتری ۱۶ئے نیروانی دستا جانبازانئے هئیابانا دُمبال دئیگ و امام همئینیئے هئیابانا اۆشتارێنگ و جنَگ و آوار جنگ بوتگ‌اَنت.

چه اے پنچێن جهمنندانی پَجّارا که گوشگ بیت نۆک ورناهئے سال ۱۵ و آ دگرانی ۱۳ سال و دُزآپئے نندۆک گوَشگ بوتگ‌اَنت تان انّون هچ هالے نێست.

گێشێن هالانی رِدا، کلانتری ۱۶ئے انتزامی نیروان بانگواهئے ساهت یکّا جانبازانئے هئیابانا دُزآپا یک موتور سئے ٹئیرێن سئوارے گۆن پنج نندۆکا که چار کس کارگرێن کسانێن چُکّ و آشکال جم کنگا بوتگ‌اَنت دُمبال دئیگ و همئینیئے هئیابانا اۆشتارێنگ و جنگ و آوار جنگ بوتگ و آیانی سئے ٹئیرێن موتور اۆشتارێنگ بوتگ.

گوشگی اِنت که بازێنے چه بلۆچستانئے لۆگانی مردمانی مالی بُنهشتئے سستیا سئوب بوتگ تان بازێنے چه کسانێن چُکّان په وتی لۆگئے مردمانی کُمک کنگ مجبور په کسان کاری بوتگ و چه اے راها وتی زِندا گوازێننت.