منوجان ءُ کلات‌گنج ئے راہ ءَ چه گاڑییے لیٹ ورگ ءَ دو ٹیلکشّیں بلوچ ءَ ساه داتگ

رَسانک نیوز/ پنچشمبے 21 آبان ماہ 1405 ءِ سباھا، منوجان ءُ کلات‌گنج ئے راہ ءَ چه ٹیلئے نیسان گاڑیئے لیٹ ورگ ءَ دو ٹیلکشّیں بلوچ ءَ چه بازیں ٹپّان ءَ ساہ داتگ.

رَسانک ءَ اے دو بلوچئے پجّار «مهمود نارویی»، مهمد ئے چُک، پنوچ ئے کتیچ زِلّها آپ امبار دمگئے نندوک ءُ «تاھر دہ‌بالایی»، کلات گنج ءَ رمشک دمگئے نندوک زانتگ.

بلوچستان ءَ الکاپیں کار ئے نه بوھگئے سئوب ءَ ھزاراں ورنا په وتی ھاندان ءُ لوگئے مردمانی مالی جنجالانی ٹاھینگ ءَ چه ناچاری ءَ ٹیلئے کَشّگ ئے پُر ھتریں کارا دِلگوش اَنت. اے بلوچاں ماں سهدیں جاور ءُ بید چه راھانی ایمن بوھگ ءَ دور سریں ھند ءُ راھان ءَ اے کارا دلگوش اَنت، که ھمک سال بازینی چه آیاں ماں راھانی ویل، نزامیانی تیرگواری ءُ آس ئے در گِرَگا ساہ دئینت.