راسک ئے جکیگور ءَ چیریں ادارھئے ٹولییے تیرگواری ءَ بلوچے ٹپّیگ بوتگ

رَسانک نیوز/ شمبے 9 آبان ماہ 1405 ءِ شپ ءَ، راسک ءِ جکیگور دمگ ءَ چیریں ادارھئے ٹولییا بلوچییے سرا تَچکیں تیرگواری کرتگ که آیی ماں دست ءَ تیر وارتگ ءُ ٹپّیگ بوتگ. سربوتگیں ھالانی رِد ءَ، اے کارواییا چیریں ادارھئے جهمنندیں کارندگان ءَ بهر زورتگ.

اے بلوچئے پجّار «جمیل آسکانی»، کِساس 29 سالگ، ھان مهمد ئے چُک، آروس کرتگ ءُ سئے زھگئے پت، بُندر ءَ راسک ءِ بزنجکان مورتان دمگئے نندوک ءُ جکیگور ئے جهمنند زانگ بوتگ.

رَسانک ءِ ھال سرکنوکانی رِد ءَ، چیریں ادارھئے ٹولی گوں سادہ پوشیں ٹولی ءُ زاتی گاڑیان ءَ جکیگور دمگ ءَ تها بوتگ اَنت، ھمے وڑا آیانی ائیر دستیں لهتیں جهمنندیں کارندگ ھم ماں اے کارواییا بهر زورتگ. آیان ءَ جمیل آسکانی ئے سرا تیرگواری کرتگ. اے تیرگواری ئے سئوب جمیل ئے کُشگ بوتگ. گوشنت که اے ویل ءَ جمیل چه دست ءَ ٹپیگ بوتگ ءُ سیادان ءَ آیی په درمان ءَ نادراہجاہ ءَ سر کرتگ. داں انگت ءَ اے کارواییے پژدر ءُ اے بلوچئے جاور ئے بارئوا گیشتریں ھالے دست نه کپتگ.