رَسانک نیوز/ چارشمبے 6 آبان ماہ 1405، ھیرمند ئے دوستمهمد زِلّهئے ساسولی دمگ ءَ چه سیمسراں چاروگیں باسک ئے سئے اُمیں برجک ئے تیرگواری ءَ بلوچے کُشگ بوتگ.
اے بلوچئے پجّار «زبیر ساسولی»، 24 سالگ، ابدالله ئے چُک، ساسولی دمگ ئے نندوک ءُ جهمنند زانگ بوتگ.
ھالئے رِد ءَ، زبیر ساھت 16:30 ئے وھدا رَند چه لوگ ءَ ڈنّ بوھگ ءَ برجک ئے چاروگیں باسک ئے تیرگواری ئے دپ ءَ کپتگ. دمگئے ھال سرکنوکانی رِد ءَ، سیمینوپ سلاھئے تیر آییئے سرا لگّتگ.
سربوتگیں ھالانی رِد ءَ، ویل ءَ رَند زبیر ساسولی ئے بے ساھیں جون لوگئے مردمان ءَ دیئگ نه بوتگ ءُ آییئے سیاد داں انگتا په لاش ئے دست ءَ گِرَگ ءَ جهد کنگ اَنت.
دمگئے ھال سرکنوکانی رِد ءَ، پیسرا ھم چه ھمیں برجک ئے تیرگواری ءَ سئے مردم کُشگ ءُ یکے دگه سکّ ءَ ٹپّیگ بوتگ. گوں اے جاور ءَ آ ویلانی ھُردیں بهر اَلّما گوشگ نه بوتگ اَنت. داں انگتا اے بلوچئے سرا تیرگواری ئے سئوب زانگ نه بوتگ ءُ نه زمّهواران ءَ اے بارئوا درشانی داتگ.
Be the first to comment