دشتیاری ءَ سلاہ‌بندین ءُ پَجّار نه بوتگیں مردمانی تیرگواری ءَ بلوچے کُشگ بوتگ

رَسانک نیوز/ مروچی دوشمبے 25 آبان ماہ 1405، دشتیاری ئے نگور زِلّهئے دیزی دمگ ءَ سلاہ‌بندین ءُ پَجّار نه بوتگیں مردمانی بلوچییے سرا تیرگواری، گوں آییئے کُشگ بوھگ ءَ آسر بوتگ.

رَسانک ءَ اے بلوچئے پجّار «منسور بلوچزھی»، کِساس 26 سالگ، اَلی ئے چُک، دشتیاری ئے نوبندیان دمگئے نندوک زانتگ.

رَسانک ءِ ھال سرکنوکانی رِد ءَ، ھماں وھدا که اے بلوچ تویوتا لندکروز گاڑییے ڈریور ئے جاھا نندوک بوتگ سلاہ‌بندین ءُ پَجّار نه بوتگیں مردمانی تیرگواری ئے دپ ءَ کپتگ ءُ پنچ تیرے وارتگ. ویل ءَ رَند دمگئے نندوکیں مردمان ءَ آییئے لاش ماں گاڑی ءَ دیستگ.

جنوکانی پجّار ءُ آیانی سئوب ئے بارئوا داں انگتا ھالے دست نه کپتگ ءُ گوں اشیا که آییئے گاڑی بار بوتگ گمان اِنت که نزامی ٹولییا آییئے سرا تیرگواری کرتگ. بله داں انگت ءَ اے ھال اَلّم نه اِنت.

Be the first to comment

Leave a Reply

Your email address will not be published.


*