شستون ءُ شمس‌آباد ئے راھا چه گاڑییے لیٹ ورگ ءَ دو بلوچیں ٹیلکشّانی پجّار که ساھش داتگ زانگ بوتگ

رَسانک نیوز/ مروچی پنچشمبے 14 آبان ماہ 1405، دو بلوچیں ٹیلکشّانی پجّار که چارشمبے 13 آبان ماہ ءِ روچ ءَ شستون ءُ شمس‌آباد ئے راھا چه گاڑییے لیٹ ورگ ءَ ساھش داتگ زانگ بوتگ. اے ویل ءَ یک ٹیلکشّی ماں گاڑی ءَ گیر کرتگ ءُ ماں آس ءَ سُهتگ ءُ ساھی داتگ، دومی ٹیلکشّ که چه گاڑی ڈنّ ءَ کپتگ ءُ ٹپّیگ بوتگ رَند چه نادراہجاہ ءَ سربوھگ ءَ چه بازیں ٹپّان ءَ ساھی داتگ.

رَسانک ءَ اے دوئیں بلوچانی پجّار «مهسن رئیسی»، میرزا ئے چُک، «منسور رئیسی»، 39 سالگ بلوچ ئے چُک، ھر دو جالک ئے نندوک زانتگ.

رَسانک ءِ ھال سرکنوکانی رِد ءَ، اے ویل ساھت 14:30 ءِ وھدا شستون ءُ شمس‌آباد ئے راھا چه شستون ءَ 15 کیلومتر ڈنّ پیش آتکگ. گاڑییے دیمیں تایرے پنچر بوھگ ئے سئوب ءَ گاڑی چه راه ءَ ڈن بوتگ ءُ لیٹی وارتگ.

ھال سرکنوکان ءَ گوَشتگ: گاڑی ئے لیٹ ورگ ئے وھدا مهسن ماں گاڑی ءَ گیر کرتگ ءُ آس ئے تها سُهتگ ءُ ساھی داتگ. منسور ھم گاڑییے لیٹ ورگ ءِ وھدا چه گاڑی ءَ ڈنّ کپتگ ءُ رَند چه نادراہجاھئے سربوھگ ءَ چه بازیں ٹپّاں ساھی داتگ.