رَسانک نیوز/ سئے شمبے 5 آبان ماہ 1405 ءِ بانگواه ءَ، مشهد ئے وکیلآباد بندیگجاہ ءَ ھبیبالله داوودی، 26 سالگیں بلوچیں بندیگے که په مواد ءَ گوں جُڑتگیں بهتان ءَ پاھو ئے ھُکمی وارتگ، پاھو دیئگ بوتگ. اے ھکمئے سرا بید چه آییئے ھاندان ئے سهیگ کنگ ءُ گُڑسریں دیدار ئے موہ دیئگ ءَ کاروایی بوتگ.
ھبیبالله داوودی، ازیز ئے چُک، آروس کرتگ، چار ھُردیں زھگئے پت دزاپ ءِ نندوک ءُ مشهد ئے جهمنند بوتگ. آیی سال 1402 ءَ ماں مشهد ءَ دزگیر ءُ رَند چه اشیا که په وکیلآباد ئے بندیگجاہ ءَ شور دیئگ بوتگ، اُود ئے انکلاب آمیدگِس ءَ پاھو ئے ھُکم داتگ. ھال زانتیں ھال سرکنوکان ءَ گوَشتگ: آیی دوشمبے روچ 4 آبان ماہ ءَ په ایوکیں واڈ ءَ شور دیئگ ءُ آ دگه روچ ءَ پاھو دیئگ بوتگ.
یکے چه اے بندیگئے سیادان ءَ گوَشتگ: دزگیر بوھگ ئے وھدا ھچ پئیمیں موادے چه آییا دست نه کپتگ، بله آمیدگِس ءَ په آییئے بے گناہ بوھگئے گپّاں دِلگوش نه بوتگ ءُ پاھو ئے ھُکمی بُرّتگ.
Be the first to comment