سرباز ءُ پهرہ ئے راه ءَ ساده پوشیں ٹولییے تیرگواری ءَ بلوچیں ٹیلکشّی ءَ ساہ داتگ

رَسانک نیوز/ سئے شمبے 21 مهر ماہ 1405، سرباز ءُ پهرہ ئے راه ءَ بلوچیں ٹیلکشّی چه ساده پوشیں ٹولییے تَچکیں تیرگواری ءُ گاڑی ئے لیٹ ورگ ءَ سکّ ءَ ٹپّیگ بوتگ ءُ رَند چه اشیا که پهرہ ئے نادراہجاہ ءَ سرکنگ بوتگ، ساھی داتگ.

رَسانک ءَ اے بلوچئے پجّار «ھسن (موسا) مکسایی»، اَلی ئے چُک، چار زھگئے پت، کهنوج ءِ نندوک زانتگ.

رَسانک ءِ ھال سرکنوکانی رِد ءَ، اے ٹیلکشّ وتی چه ٹیل ءَ بار گاڑی ءَ گوں پهرہ ءُ سرباز ئے راہ ءَ روگ ءَ بوتگ که نگرہ رنگین ءُ بے نمبر پلیٹیں پژو 405 گاڑی ئے سادہ پوشیں نندوکان ءَ بید چه پیسریگیں جار ءُ اُوشت ئے دلگوش دیئگ ءَ آییئے گاڑییے سرا تیرگواری کرتگ. گاڑییے ٹایراں تیر لگّتگ ءُ ھمیں سئوب ءَ گاڑی ءَ زورا لیٹ وارتگ.

گوشنت: اے ویل ءَ ھسن چه سر ءُ کَش ءَ سکّ ءَ ٹپّیگ بوتگ ءُ رَند چه پهرہ ئے نادراہجاھا سربوھگ ءَ چه بازیں ٹپّان ءَ ساھی داتگ.