رَسانک نیوز/ جمے 24 مهر ماہ 1405 ءِ شپ ءَ، چهبار ئے رسالت روڈ ءَ بلوچیں نوکورنایی چه سلاہبندیں مردمانی تیرگواری ءَ چُنت تیرے وارتگ ءُ ساھی داتگ.
رَسانک ءَ اے بلوچیں نوکورنا ئے پجّار «سلمان رئیسی»، 17 سالگ، ھالد ئے چُک، بُندر ءَ کسرکند ئے ساربوگ دمگئے نندوک ءُ چهبار ئے جهمنند زانتگ.
رَسانک ءِ ھال سرکنوکانی رِد ءَ، سلمان چهبار ئے رسالت روڈ ءَ بوتگ که سلاہبندیں مردمان ءَ آییئے سرا تیرگواری کرتگ، آییا تیر وارتگ ءُ چه بازیں ٹپّان ءَ ساھی داتگ.
گوشگ لوٹیت که پیشترا سلمان ئے پت که نامی «ھالد رئیسی» اِنت تاریک 3 پروردین ماہ 1398 ءَ نزامی ٹولییا ماں چهبار ءَ په (کوش)ئے الزاما دزگیر کرتگ ءُ تاریک 19 شهریور ماہ 1401 ءَ ماں دزاپ ءِ بندیگجاہ ءَ پاھو دیئگ بوتگ.
داں انگتا تیرگواری کنوکانی پجّار ءُ آیانی سئوب زانگ نه بوتگ.
🔗 لینک کوتاه:
برای کپی روی دکمه کلیک کنید
Be the first to comment