رَسانک نیوز/ جمے 24 مهر ماہ 1405، پهرہ ئے چاہ جمال دمگ ءَ کماش ءُ اسپیت ریشیں بلوچے جمے نماز ءَ رَند ھماں وھدا که لوگ ءَ پدترّگ ءَ بوتگ چه بازیں ٹپّان ءَ ساھی داتگ.
رَسانک ءَ اے بلوچئے پجّار «جما شهبکش (کمبرزھی)»، شهداد ئے چُک، پهرہ ئے چاہ جمال دمگئے بابهروسهیں مردمے زانتگ.
رَسانک ءِ ھال سرکنوکانی رِد ءَ، دو سلاہبندیں مردم که پژو پارس گاڑی ءَ نندوک بوتگ اَنت ھاجی جما ئے نزّیک ءَ شُتگ ءُ آییئے سرا تیرگواریش کرتگ. اے بلوچ ءَ تیر وارتگ ءُ سکّ ءَ ٹپّیگ بوتگ ءُ چه بازیں ٹپّان ءَ ساھی داتگ.
سلاہبندیں مردماں تیرگواری ءَ رَند چه جاھا دَر شُتگ اَنت ءُ داں انگتا آیانی پجّار ءُ سئوب زانگ نه بوتگ.
🔗 لینک کوتاه:
برای کپی روی دکمه کلیک کنید
Be the first to comment