پهرہ ءُ بمپور ئے راہ ءَ سئے گاڑیانی گشت ئے ٹولی یے سرا اُرش ئے زمّهواری ءَ راجی پدائیانی سنگر ءَ منّتگ

رَسانک نیوز/ دوشمبے 13 مهر ماہ 1405، راجی پدائیانی سنگر ءَ جارتاک شِنگ کرتگ ءُ بمپور ءُ پهرہ ئے راه ءَ پراجا ئے گاڑیانی ٹولییے سرا سلاہ‌بندیں اُرشئے زمّهواری ءَ منّتگ ءُ گوَشتگ: اے گشت ئے ٹولی که سئے گاڑی بوتگ اَنت ماں کمین ءَ اُرشئے دپ ءَ کپتگ.

اے گل ءَ وتی جارتاک ءَ گوشتگ: اے گشت ئے ٹولی ءَ سئے گاڑی که دو تویوتا ھایلوکس ءُ یک لندکروز گاڑییے ھور بوتگ که اے اُرش ءَ دویں گاڑیانی نندوکیں نزامی جَنَگ بوتگ اَنت.

پیسرا رَسانک ءِ ھال سرکنوکان ءَ گوَشتگ: که گشت ئے ٹولیئے دو گاڑی ماں اے راه ءَ اُرش ئے دپ ءَ کپتگ اَنت ءُ یکے چه اے گاڑیاں لیٹ وارتگ ءُ سئے اُمیں گاڑی په دَر روگ ءَ سئوبیں بوتگ.

ھمے وڑا سوبهئے پلیسئے ھال سرکنوک ءَ گوشتگ: اے اُرش ءَ استوار دو «امیرھسین کاسمی» ءُ گروھپان یک «نزام دست گشاده»، کُشگ ءُ یک دگه نزامی کارمندے ٹپّیگ بوتگ.

راجی پدائیانی سنگر ءَ جارتاک ءِ دگه بهریا وتی جاگه ءَ ایرانی سرکارے سیاستانی دیما روژن کرتگ ءُ گوَشتگ: «ھکومت ئے مدامی دست دراجی» ئے دیما اے گل وتی پدکرد ءَ دنت.