کُشگ بوتگیں بلوچئے پجّار که بے ساھیں جونی چه واش ءَ دست کپتگ زانگ بوتگ

رَسانک نیوز/ شمبے 11 مهر ماه 1405، بلوچییے پجّار که آییئے بے ساھیں جون جمے 10 مهر ماہ 1405 ءِ شپ ءَ چه واش ءُ پهرہ ئے راه ءَ جوژک دمگ ءَ دست کپتگ ءُ واش ئے امام ھمینی نادراہجاہ ءَ سرکنگ بوتگ، زانگ بوتگ.

رَسانک ءَ اے بلوچئے پجّار «کامران دامنی»، 22 سالگ، ابدالله ئے چُک، پهرہ ئے ڈمّن زِلّهئے بنوک دمگئے نندوک زانتگ.

رَسانک ءِ ھال سرکنوکانی رِد ءَ، اے بلوچ ءَ چُنت روچ پیسر سلاہ‌بندیں مردمان ءَ آوار جتگ ءُ پیش چه ساھئے دیئگ ءَ لٹ ءُ شاپ بوتگ، رَند چه اشیا ماں سرئے سرا تیرے وارتگ ءُ ساھی داتگ.

گوشگ بوتگ پد چه اشیا که اے بلوچئے بے ساھیں جون دمگئے نندوکیں مردمانی دست ءَ کپتگ، واش ئے امام ھمینی نادراہجاہ ءِ برپ ھانگ ءَ دیم دیئگ بوتگ. داں انگتا اے ویلئے کنوک یانکه کنوکانی ءُ ھمے وڑا آیانی سئوب ئے بارئوا گیشتریں ھالے دست نه کپتگ.