پهرہ ءَ سلاہ‌بندیں دُزّانی پرّیگیں لوگئے سرا اُرش ءُ تیرگواری ءَ بلوچے کُشگ بوتگ

رَسانک نیوز/ چارشمبے 1 مهر ماه 1405 ءِ شپ ءَ، پهرہ ئے گوریچانی کشاورز روڈ ءَ سلاہ‌بندیں دُزّانی پرّیگیں لوگئے سرا اُرش ءِ وھدا که جهمنندیا آیانی دیما اُوشتگ ئے جُهد کرتگ، دزان ءَ آییئے سرا تیرگواری کرتگ، آییا تیر وارتگ ءُ ساہ داتگ.

رَسانک ءَ اے بلوچئے پجّار «سبهان ھاشمزھی»، کِساس 23 سالگ، ھکیم ئے چُک، پهرہ ئے جهمنند زانتگ.

رَسانک ءِ ھال سرکنوکانی رِد ءَ، سلاہ‌بندیں دُزّان ءَ اے بلوچئے گوہار ئے لوگئے سرا اُرش کرتگ، آییا که دُزّانی دیم دارگئے جُهد کرتگ، دُزّان ءَ آییئے سرا تیرگواری کرتگ، که آییا تیر وارتگ ءُ ساہ داتگ.

ھال سرکنوکان ءَ گوَشتگ: ویل ءَ رَند ھمسایگان ءَ کلانتری ءَ زنگ جتگ ءُ سلاہ‌بندیں دُزّانی ھال ءَ سر اِش کرتگ. گوں اشیا که ویل ئے جاہ چه انتزامی ٹولییا نزّیک بوتگ بله داں اے وھدے که دُزّ ویلئے جاگها بوتگ اَنت نزامی ٹولی اُودا سر نه بوتگ.