شستون ءَ مار ئے ڈنگ جَنَگ ءَ دو ھُردیں چُک ءَ ساہ داتگ

رَسانک نیوز/ دوشمبے 30 شهریور ماه 1405ءِ بانگواه ءَ، شستون ئے بم پشت ءَ گروانی دمگ ءَ ماریا دو بلوچیں ھُردیں چُک ءَ ماں واب ءَ ڈنگ جتگ ءُ رَند چه شستون ئے نادراہجاہ ءَ سربوھگ ءَ ساھش داتگ.

رَسانک ءَ اے دوئیں چُکانی پجّار «سدنا بلوچزھی»، 7 سالگ، ءُ «ھدیجا بلوچزھی»، 12 سالگ، ھر دو کادرداد ئے چُک ءُ شستون ئے بم پُشت ءَ گروانی دمگئے نندوک زانتگ.

رَسانک ءِ ھال سرکنوکانی رِد ءَ، بانگواه ءِ ساھت یک ءَ ھماں وھدا که اے دو گوہار وتی لوگ ءَ واب بوتگ اَنت مار ءَ ڈنگ جتگ اَنت، گوں اشیا که نادراہجاہ ءَ سرکنگ بوتگ اَنت ءُ درمان ئے کاروایی بُنگیج بوتگ بله آیان ءَ ساہ داتگ.

ھال سرکنوکان ءَ گوَشتگ: رَند چه چُکانی نادراہجاہ ءَ سرکنگ ءَ، لوگئے مردمان ءَ آیانی لهیپ چِست کرتگ ءُ لهیپ ئے چیرا مار ئے بوتگ.