رَسانک نیوز/ سئے شمبے 3 شهریور ماہ 1405 ءِ شپ ءَ، «لالمهمد موسازھی»، موسازھی کبیلهئے سروک کہ جمے 9 مرداد ماہ ءَ سواری گاڑی ءَ نندوکیں مردمان ءَ چہ دُزاپ ءَ آییئے لوگئے نزّیک ءَ آوار جتگ، گوں کماش ءُ بابهروسهیں مردمانی رَندگیریا 25 روچ ءَ رَند آجو بوتگ.
«لالمهمد موسازھی»، آروس کرتگ، چار زھگئے پت، دُزاپ ءِ نندوک ءُ موسازھی کبیهلئے سروک ءُ مستریں مردم اِنت، کہ چہ لوگئے نزّیک ءَ بدر روڈ ءَ سواری گاڑی ءَ نندوکیں مردمان ءَ آوار جتگ.
اے بلوچئے آجویی ھماں وھدا بوتگ کہ بلوچستانئے مردم ءُ سماجی ھئیالاں گوں انّیگیں دل پریشانیاں اے لوٹتگ کہ لالمهمد موسازھی ئے آوار جنوکانی نام ءُ پجّار ءَ درا بکننت. آوار جنوکانی بارئوا ھُردیں بهرانی درا نہ کنگ ءُ گوں اشیا کہ آجویی چہ کماش ءُ بابهروسهیں مردمانی جُهد ءَ بوتگ، سماجی پِگر ءُ ھئیالان ءَ وھم ءُ گُمان ءَ دوچار کنت.
Be the first to comment