رَسانک نیوز/ دوشمبے 2 شهریور ماہ 1405 ءِ بانگواہ ءَ، دُزاپ ءِ کورین زِلّهئے چاہاھمد دمگئے سئے راھی ءَ دو بلوچ سلاہ بندیں مردمانی تیرگواریئے دپ ءَ کپتگ اَنت ءُ چہ تیر ئے ورگ ءَ بلوچیا ساہ داتگ ءُ یکی دگہ سکّ ءَ ٹپّیگ بوتگ.
رَسانک ءَ کُشگ بوتگیں بلوچئے پجّار «گلمهمد ھسنزھی»، 30 سالگ، مهمدکریم ئے چُک، ٹپّیگ بوتگیں بلوچئے پجّار «اسماییل زنگیزھی»، کِساس 36 سالگ، ھر دو دُزاپ ءِ چاهاھمد دمگئے نندوک زانتگ.
رَسانک ءِ ھال سرکنوکانی رِد ءَ، بانگواہ ءِ ساھت 1 ءِ وھدا سلاہ بندیں مردمان ءَ دُزاپ ءِ چاہاھمد دمگئے سئے راہ ءَ اے بلوچانی گاڑیئے سرا تیرگواری کرتگ، اے تیرگواری ءَ رَند گاڑی اُوشتاتگ ءُ تها نندوکیں مردمان ءَ تیر وارتگ. پد چہ اشیا سلاہ بندیں مردماں چہ وتی گاڑی ءَ ائیر کپتگ ءُ گلمهمد ئے سرا چہ نزّیک ءَ تیر گواریش کرتگ کہ آییا چُنت تیر وارتگ ءُ جاہ ءَ ساہ داتگ.
ھال سرکنوکان ءَ گوَشتگ: اسماییل زنگیزھی ءَ ھم اے تیرگواری ءَ تیر وارتگ ءُ سکّ ءَ ٹپّیگ بوتگ کہ پہ درمان ءَ نادراہجاہ ءَ سرکنگ بوتگ.
جنوکانی پجّار ءُ آیانی سئوب چہ اے تیرگواری ءَ داں انگت ءَ زانگ نہ بوتگ.
Be the first to comment