رَسانک نیوز/ شمبے 31 مرداد ماہ 1405، دُزاپ ءِ شیرآباد دمگئے باکری روڈ ءَ سپاہ ءِ ائیر دستیں بسیجئے نزامی کارمندی چہ سلاہ بندین ءُ پجّار نہ بوتگیں مردمانی آییئے دکانئے سرا اُرش ءُ تیرگواری ءَ، تیر وارتگ ءُ ساہ داتگ.
رَسانک ءَ اے نزامی کارمند ئے پجّار «نادر سارانی»، 45 سالگ، سخی ئے چُک، آروس کرتگ ءُ زھگانی پت دُزاپ ءِ نندوک زانتگ.
رَسانک ءِ ھال سرکنوکانی رِد ءَ، سلاہ بندیں مردماں کہ سواری گاڑی ءَ نندوک بوتگ اَنت نادر ئے جائیداد ءُ ڈگارانی سودا ئے دپتر ئے سرا اُرش ءُ تیرگواری کرتگ، اے تیرگواری ءَ نادر ءَ تیر وارتگ ءُ ساہ داتگ.
داں انگت ءَ جنوکانی پجّار ءُ آیانی سئوب چہ تیرگواری ءَ زانگ نہ بوتگ.
ھمے تَچکیا، سپاہ ءِ زمینی لشکر ئے کُدس بُنجاھئے جارکشّ ءَ اے نزامی کارمند ئے کُشگ بوھگئے ھال تسدیک کرتگ ءُ گوَشتگ آییئے نماز جنازہ باندا 3 شهریور ءَ وانگ بیت.
Be the first to comment