دلگان ءَ سلاہ بندین ءُ پجّار نہ بوتگیں مردمانی تیرگواری ءَ دو نوک ورنائیں بلوچ کُشگ ءُ ٹپّیگ بوتگ

رَسانک نیوز/ سئے شمبے 27 مرداد ماہ 1405 ءِ بانگواہ ءَ، دلگان ئے آزرآباد دمگ ءَ چہ پٹ پٹی سواریں سلاہ بندین ءُ پجّار نہ بوتگیں مردمانی تیرگواری ءَ دو نوک ورنائیں بلوچ ءَ تیر وارتگ کہ یکی چہ آیاں ساہ داتگ ءُ دومی ٹپّیگ بوتگ.

کُشگ بوتگیں نوک ورنا ئے پجّار «اُسمان نارویی»، 18 سالگ، جاپَر ئے چُک، باگنیل دمگئے نندوک ءُ ٹپّیگ بوتگیں نوک ورنا ئے پجّار «سئید ھیدرزھی»، 18 سالگ، ھیبت ئے چُک، دلگان ئے جلگہ چاہ ھاشم زِلّها باگنیل ءَ ھسین‌آباد دمگئے جهمنند زانگ بوتگ.

اے ھالئے رِد ءَ، سلاہ بندین ءُ پجّار نہ بوتگیں مردماں اے دو نوک ورنا ئے نزّیک ءَ شُتگ اَنت ءُ آیانی سرا تیرگواریش کرتگ ءُ چہ جاھا در شُتگ اَنت. اُسمان نارویی ءَ تیر وارتگ ءُ جاہ ءَ ساھی داتگ، سئید ھیدرزھی سکّ ءَ ٹپّیگ بوتگ ءُ ماں نگیگیں ھالت ءَ نادراہجاہ ءَ سرکنگ بوتگ ءُ داں اے وھدا آییئے درمان برجاہ اِنت.

داں انگتا تیرگواری کنوکیں مردمانی پجّار ءُ آیانی سئوب زانگ نہ بوتگ، نہ کہ اے ویلئے گیشتریں ھالی دست کپتگ.