رَسانک نیوز/ چارشمبے 22 مرداد ماہ ءِ شپ ءَ، بلوچیں کارگری کہ پہ کارا چہ مئگسئے آشار دمگ ءَ جزیرہ کشم ءَ شُتگ، ماڑی لِکّ کنوکیں شرکت ئے نگهپانیئے جاہ ءَ سلاہ بندیں مردمان ءَ کارچ کرتگ ءُ کُشتگ.
رَسانک ءَ اے بلوچئے پجّار «رھیم نتوزھی»،(کریم زایی)، 30 سالگ، شیرھان ئے چُک، آروس کرتگ ءُ سئے زھگئے پت، مئگسئے آشار دمگئے نندوک زانتگ.
رَسانک ءِ ھال سرکنوکانی رِد ءَ، ماڑی لِکّ کنوکیں شرکتئے نگهپانییے جاہ ءَ ھماں وھدا کہ وتی کار ئے سرا بوتگ سلاہ بندیں مردمان ءَ ماں گردن ءَ کارچ کرتگ ءُ کُشتگ. اے کوش ءَ رَند سئے گمان داریں مردم کہ ھمیں شرکت ءَ کارا بوتگ اَنت، جُست ءُ پرس کنوکیں ادارہ ءَ دزگیرکرتگ ءُ پہ جُست ءُ پرس ءَ بُرتگ اَنت.
داں انگت ءَ ویلئے چار روچ ءَ پد رھیم ئے بے ساھیں جون آییئے ھاندان ءَ دیئگ نہ بوتگ ءُ پہ گیشتریں پٹ ءُ چار ءَ کانونی ڈاکٹرجاہ ءَ دارگ بوتگ. ھمیں وڑا جنوک یانکہ جنوکانی پجّار ءُ آیانی سئوب چہ اے ویل ءَ زانگ نہ بوتگ.
Be the first to comment