رَسانک نیوز/ پنچشمبے 22 مرداد ماہ 1405 ءِ شپ ءَ شستون ءِ دزک دمگ ءَ سلاہ بندین ءُ پجّار نہ بوتگیں مردمانی تیرگواری ءَ بلوچی تیر وارتگ ءُ ساہ داتگ.
رَسانک ءَ اے بلوچئے پجّار «آلم سیاھانی»، اُرپ «کنربستی»، شستون ءَ دزک دمگئے نندوک زانتگ.
رَسانک ءِ ھال سرکنوکانی رِد ءَ، سلاہ بندین ءُ پجّار نہ بوتگیں مردمان ءَ آیی شستون ءَ دزک دمگئے ھوایی پُہلئے نزّیک ءَ پہ تیر بستگ.
اے تیرگواری ءَ آییا تیر وارتگ ءُ ساہ داتگ. سلاہ بندیں مردماں کارواییا پد چہ جاہ ءَ در شُتگ اَنت.
داں انگت ءَ جنوکانی پجّار ءُ آیانی سئوب چہ اے تیرگواری ءَ زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment