کُشگ بوتگیں بلوچییے پجّار دو ماہ ءَ پد زانگ بوتگ؛ جُرمدار چہ دُزاپ ءَ دزگیر کنگ بوتگ

رَسانک نیوز/ پنچشمبے 1 مرداد ماہ 1405، کُشگ بوتگیں بلوچی کہ تاریک 15 اردیبهشت ماہ 1405، ایران ءُ آمریکا۔ اسراییلئے جنگ ءُ انترنت ئے بند بوھگئے وھدا کُشگ بوتگ، رَند چہ دو ماھا گیش آییئے کوشئے پرمندھئے ھُردیں بهر ءُ آییئے پجّار زانگ بوتگ اَنت۔ گوں اے جاوراں پرمندھئے جرمداریں مردم گوَستگیں روچا چارشمبے 31 تیر ماہ ءَ چہ دُزاپ ءَ دزگیر کنگ بوتگ.

اے بلوچئے پجّار «اِرپان ریگی»، 21 سالگ، ھُدا نزر ئے چُک، آروس کرتگ، یک زھگئے پت، بندر ءَ واش ئے مردم ءُ پهرہ ئے جهمنند زانگ بوتگ. ھمیں پئیما دزگیر کنگ بوتگیں گُمانداریں مردمئے پجّار «اِ . ن»، گوَشگ بوتگ، کہ دو ماہ ءَ گیش ءَ پد نزامی ٹولییا چہ دُزاپ ءَ دزگیر کرتگ.

رَسانک ءِ ھال سرکنوکانی رِد ءَ، اِرپان پہ سیاد گِندییا پهرہ ئے درزادہ روڈ ءَ لوگی شُتگ۔ ھمیں وھدا لوگئے واھُند گوں جرمداریں مردم ءُ دو کس دگرا اَڑتگ۔ اِرپان کہ چہ بُرزیں منزلا پہ ھالئے گِرَگ ءَ ائیر کپتگ، ھمیں مردئے اُرش ءِ دپ ءَ کپتگ ءُ ماں گُٹّگ ءُ جگر ءَ کارچی وارتگ ءُ سکّ ءَ ٹپّیگ بوتگ۔ نادراہجاہ ءَ سربوھگ ءَ رَند چہ بازیں ٹپّان ءَ ساھی داتگ.

ھال سرکنوکان ءَ گوَشتگ اِرپان ئے لوگئے مردمان ءَ تاریک 22 اردیبهشت ماہ ءَ وتی شکایست سَپت کرتگ ءُ کانونی رَندگیری بُنگیج کرتگ۔ جُرمداریں مردم دو ماہ پراری بوھگ ءَ رَند، چارشمبے 31 تیر ماہ 1405 ءَ چہ دُزاپ ءَ دزگیر کنگ بوتگ.