پهرہ ئے بندیگجاہ ءَ بلوچیں چُکّیں بندیگی پاھو دیئگ بوتگ

رَسانک نیوز/ سئے شمبے 30 تیر ماہ 1405، بلوچیں بندیگی کہ جرمئے وھدا آییئے اُمر چہ 18 سالا کمتر بوتگ، ماں پهرہ ئے بندیگجاہ ءَ پاھو دیئگ بوتگ۔ اے بندیگ چار سال زندان بوھگ ءَ رَند گوں اشیا کہ جُرمئے وھدا آییئے اُمر چہ 18 سالا کم بوتگ، پاھو دیئگ بوتگ.

رَسانک ءَ اے بلوچیں بندیگئے پجّار «مئیسم ایرندگانی»، 18 سالگ، ھُکمئے سرا کارواییے وھدا، واشئے نندوک ءُ جهمنندیں مردمی زانتگ. ویل ءُ دزگیر بوھگئے وھدا آییئے اُمر 14 سال بوتگ کہ پہ کوشئے الزاما پاھو ئے ھُکمی وارتگ.

اے ھالئے رِد ءَ، کِساس چار سال ءُ دو ماہ پیش ماں گاڑی اڈ کنگئے جاھا کہ مئیسم اُداں کارا بوتگ، ٹکّر ئے وھدا کہ دکان ءَ آؤکیں چُنت مردم ءُ مئیسم ئے میان ءَ پیش آتکگ، کہ مئیسم ئے سیادان ءَ گوَشتگ آ مردمان ءَ چہ مئیسم لوٹتگ دُزّتگیں گاڑی ءَ پہ آیاں پچ پچ بکنت۔ مئیسما اے گپّ نہ منّتگ ءُ اے وڑا ٹکّر بُنگیج بوتگ۔ ٹکّر ئے دیمروگ ءُ آییئے پیروکئے سرا اُرش ءَ پد کہ مئیسم ئے کار ئے جاھا نزّیکیا نان ئے تندوریا کارا بوتگ، مئیسما جاھا اُوشتوکیں مردمی ءَ کارچ کرتگ، ھمیں کارچ آ مرد ئے مرک ئے سئوب زانگ بوتگ.

گوَشنت کہ مئیسم ویل ءَ رَند پادان وت، وتا اِنساپ ادارھئے دست ءَ داتگ۔ ائولسرا آیی ماں دُزاپ ءِ چُکّانی زندان ءَ دارگ بوتگ ءُ رَند چہ اشیا پہ پهرہ ئے بندیگجاھا شور دیئگ بوتگ۔ آیی بندیگ بوھگئے دوراں پہ کُرآن ئے ھِپز کنگا سئوبین بوتگ.