رَسانک نیوز / پنچ شمبے 25 تیر ماہ 1405، سوبہ گلستان ئے گالیکش دمگ ءَ چہ سلاہ بندیں مردمانی، چُنت بلوچئے سرا تیرگواری ءَ یک بلوچیں چُکّییا ساہ داتگ ءُ بلوچیں جنیں آدم ءُ مردینی ٹپّیگ بوتگ اَنت. تیرگواریئے سئوب دو ٹولییانی میان ءَ پیسریگیں اَڑ ءُ جیڑھاں زانگ بوتگ اَنت. ماں زاتی جیڑھاں گرمیں سلاھئے کارمرز کنگ ءَ، دمگ ءَ نندوکیں مردمانی دل پریشانی گیش کرتگ.
رَسانک ءَ ساہ داتگیں بلوچیں چُکّئے پجّار «امیرمهمد نارویی»، 10 سالگ، مُستپا ئے چُک، گالیکشئے نندوک زانتگ. ٹپّیگ بوتگیں دویں مردمانی پجّار کہ گالیکش ءِ جهمنند اَنت داں اے وھدا زانگ نہ بوتگ.
رَسانک ءِ ھال سرکنوکانی رِد ءَ، رَند چہ پیسریگیں جیڑھاں پژو 405 گاڑی ءَ نندوکیں سلاہ بندیں مردمان ءَ اے جهمنندانی سرا تیرگواری کرتگ. تیرگواریئے نتیجگ ءَ امیرمهمد ءَ تیر وارتگ ءُ ساھی داتگ، ھمیں وڑا آ دگہ دویں مردمان ءَ ھم تیر وارتگ ءُ ٹپّیگ بوتگ اَنت.
Be the first to comment