پهرہ ءَ سلاہ بندین ءُ بے پجّاریں مردمانی تیرگواری ءَ بلوچیں نوک ورنایی کُشگ بوتگ

رَسانک نیوز/ شمبے 20 تیر ماہ 1405 ءِ شپ ءَ، پهرہ ءِ ڈمّن زِلّهئے بنوک دمگ ءَ بلوچیں نوک ورنایی کہ وتی سوپر مارکت ءَ کار ءَ دلگوش بوتگ، سلاہ بندین ءُ پجّار نہ بوتگیں مردمانی تیرگواریئے دپ ءَ کپتگ ءُ ساھی داتگ.

رَسانک ءَ اے بلوچیں نوک ورنا ئے پجّار «مهدی انساری»، کِساس 15 سالگ، ابدل ازیز ئے چُک، پهرہ ئے ڈمّن زِلّها بنوک دمگئے نندوک زاںتگ.

رَسانک ءِ ھال سرکنوکانی رِد ءَ، پد چہ روچ برکت ءَ سلاہ بندیں مردماں آییئے دکان ءَ تها بوتگ ءُ دروازگِش چہ تها بستگ ءُ اے ورنا ئے سرا تیرگواریش کرتگ۔ مهدی ءَ ماں دپ ءَ تیر وارتگ ءُ جاہ ءَ ساھی داتگ۔ کاروایی ءَ پد جنوکاں کہ نکاب پوش بوتگ اَنت چہ جاہ ءَ دَر شُتگ اَنت.

مهدی ئے ھاندان ءُ لوگئے مردم گوَشنت کہ مهدی یانکہ آییئے مردمان ءَ گوں کسی یانکہ گلی ءَ زاتی جیڑہ ءُ جنجالی نہ بوتگ۔ اے ویلئے پُژدر داں انگت زانگ نہ بوتگ.