بلوچ ورنایی بزمان ءِ الماپ سدّ ءَ گَرک بوتگ ءُ ساھی داتگ؛ آییئے لاش چُنت ساھت پٹ ءُ پول ءَ رَند، شوہاز بوتگ

رَسانک نیوز/ پنچشمبے 18 تیر ماہ 1405 ءِ سُهب ءَ، بلوچ ورنایی کہ تاریک 17 تیر ماہ ءِ بیگاہ ءَ ماں بزمان ءِ الماپ سدّ ءَ گَرک بوتگ، آییئے بے ساھیں جون پد چہ چُنت ساھت ھلال اھمر ءُ کمک سرکنوکیں ٹولییے کارواییا شوہاز ءُ چہ آپ ءَ دَر کنگ بوتگ.

اے بلوچئے پجّار «مهمداَلی نارویی»، 22 سالگ، ابدلرشید ئے چُک، لُنڈ ءُ بزمان ئے نندوک زانگ بوتگ.

اے ھالئے رِد ءَ، مهمداَلی لهتیں چہ وتی سنگتانی ھوری ءَ پہ اوشناگ ءُ سیل ءَ الماپ ءِ سدّ ءَ شُتگ۔ آیاں پہ اوشناگ کنگ ءَ مزنیں گاڑییے ٹوپی کارمرز کرتگ کہ مهمد اَلی آپ ءَ پد ترّگئے وھدا چہ آپ ئے باز جُہل بوھگ ءُ اشیا کہ اُوشناگ ءَ زَبر نہ بوتگ، ماں آپ ءَ گَرک ءُ بیگواہ بوتگ ءُ ساھی داتگ.

اے ویلئے پیش آھگ ءَ رَند، کمک سرکنوکیں ٹولی ءُ ھلال اھمر ءَ شوہاز کنگئے کاروایی بُنگیج کرتگ ءُ چُنت ساھت ءَ پد، اے بلوچیں ورنا ئے لاش دست کپتگ ءُ چہ آپ ءَ دَر کنگ بوتگ.