سپیت‌آپ ئے راہ ءَ چہ گاڑییے لیٹ ورَگ ءَ بلوچیں ٹیلکشّی ءَ ساہ داتگ ءُ دگہ جهمنندی ٹپّیگ بوتگ

رَسانک نیوز/ پنچشمبے روچ 11 تیر ماہ 1405، سپیت‌آپئے راہ ءَ چہ ٹیلکشّیں گاڑییے لیٹ ورگ ءَ بلوچیں ٹیلکشّی ءَ ساہ داتگ ءُ دگہ جهمنندی سکّ ءَ ٹپّیگ بوتگ.

ساہ داتگیں بلوچئے پجّار «یاسین کلندرزھی»، ھُدابکش ئے چُک، آروس کرتگ ءُ سئے زھگئے پت، ٹپّیگ بوتگیں بلوچئے پجّار «ھلیل کلندرزھی»، دویں چاہ اھمد دمگئے نندوک زانگ بوتگ اَنت.

اے ھالئے رِد ءَ، ٹیلکشّئے گاڑی ویلئے وھدا ھالیگ بوتگ ءُ چہ زانگ نہ بوتگیں سئوبی ءَ راہ ءَ ڈنّ شُتگ ءُ لیٹی وارتگ۔ اے ویل ءَ یاسین سکّ ءَ ٹپّیگ بوتگ ءُ نهبندان ئے نادراہجاہ ءَ سر بوھگئے راہ ءَ ساھی داتگ۔ آییا چہ بازیں ٹپّاں ساہ داتگ۔ ھلیل ھم اے ویل ءَ ٹپّیگ بوتگ ءُ پہ درمان ءَ نادراہجاہ ءَ سرکنگ بوتگ.