رَسانک نیوز/ سئےشمبے روچ 9 تیر ماہ 1405، بلوچیں امنیتی بندیگی کہ چہ سال 1384 ءَ پہ امنیتی پرمندھی ءَ بندیگ ءُ مزنیں ھُکمی وارتگ، 21 سال بندیگ بوھگ ءَ رَند چہ اردبیل ئے بندیگجاہ ءَ آجو بوتگ ءُ 24 ساھت راہ ءَ پد وتی دمگ ءَ واش ءَ سر بوتگ.
اے بلوچیں امنیتی بندیگئے پجّار «گپور مزارزھی»، کِساس 40 سالگ، بلوچئے چُک ءُ واش ئے نندوک زانگ بوتگ.
ھال وشّئے ھالانی رِد ءَ، اے بلوچ ماں سال 1384 ھماں وھدا کہ 19 سالگ بوتگ پہ وتی ناکو ئے امنیتی پرمندھئے دیما دزگیر کنگ بوتگ، پرمندھی کہ گوں نزامی ٹولییا سلاہ بندیں ٹکّر ءَ جُڑتگ.
دزگیر بوھگئے چُنت ماہ ءَ رَند اے بلوچ چہ واشئے بندیگجاہ ءَ پہ دُزاپ ءِ زندان ءَ شور دئیگ بوتگ۔ چُنت سال ماں اے بندیگجاہ ءَ سرگرداں بوتگ۔ گُڑسرا ماں سال 1396 ءَ پہ جلا وتنی ءَ اردبیل ئے بندیگجاہ ءَ دیم دئیگ بوتگ ءُ تانکہ آجویی ءَ ماں ھمیں بندیگجاہ ءَ دارگ بوتگ.
گوَشنت اے بندیگ ءَ پہ مُهاربا ءُ امنیتی چِست ءُ ائیرا گوں جلا وتنی ءَ ھُکم دئیگ بوتگ۔ گوَستگیں سالان ءَ آییئے لوگئے مردمان ءَ چہ بندیگجاہ ءِ دور بوھگ ءَ بازیں پریشانی ءُ دلسیاھی سگّتگ۔ اے بلوچیں بندیگئے، جلا وتنی ءُ بندیگییے آسر بوھگ یکی چہ گرانترین ءُ دراجتریں ھُکمانی آسر بوھگ بوتگ کہ ماں گوستگیں سالاں بلوچی ءَ داتگش.
Be the first to comment