پهرہ ءَ بیگواہ بوتگیں بلوچی چُکی «مهمد زھمتکش» ئے بے ھالے سرپدئے سئے ماہ ءَ بُرز اِنت کہ برجاہ اِنت

رَسانک نیوز/ چارشمبے 10 تیر ماہ 1405، پهرہ ءَ سئے ماہ ءَ گیش اِنت کہ بلوچی چُکّی بیگواہ اِنت ءُ آییئے ھچ وڑیں ھالے سرپدئے دست نہ کپتگ، اے گپّ ءَ لوگئے مردمانی دل پریشانی گیش کرتگ.

رَسانک ءَ اے بلوچیں چُکّئے پجّار «مهمد زھمتکش»، 14 سالگ، سمد ئے چُک، پهرہ ئے نندوک زانتگ.

رَسانک ءِ ھال سرکنوکانی رِد ءَ، آیی روانیں سالئے پروردین ماھئے ائولی ھپتگ ءَ چہ لوگ ءَ ڈنّ شُتگ ءُ ھچبر لوگ ءَ واتر نہ کرتگ ءُ نہ کہ لوگ ءَ زنگی جتگ۔ اے چُکّئے لوگئے مردمان ءَ پہ آییئے شوہاز کنگ ءَ باز تر ءُ تاب ءُ رَندگیری کرتگ، بلے پہ ھچ نتیجگی سر نہ‌ بوتگ اَنت.

مهمد ئے لوگئے مردماں آییئے جاور ئے سرا وتی دل پریشانی درشان کرتگ ءُ چہ مهلوک ءُ زمّهواریں ادارھان ءَ لوٹتگ پہ مهمد ئے شوہاز کنگ ءَ گوں آیاں ھمکاری بکننت. چہ مهلوک ءَ دست بندی اِنت اگن اے چُکّئے بارئوا آیان ءَ ھالے سرپد ئے دست کپت، پہ اے نمبر ءَ ھالاں سر بکننت.
0991 666 4704