پنّوچ ءَ بلوچی، سلاہ بندین ءُ بے پجّاریں آوار جنوکانی دیما اُوشتگئے وھدا کُشگ بوتگ

رَسانک نیوز/ 9 تیر ماہ 1405، پنّوچ ءَ کُتیچ ءُ آپ امبار دمگئے راھا، بلوچی کہ سلاہ بندین ءُ بے پجّاریں مردمانی دیما کہ لوٹتگش آواری بجننت اُوشتاتگ، آیانی تیرگواری ئے دپ ءَ کپتگ ءُ چُنت ساھت ءَ رَند آییئے بے ساھیں جون چہ راہ ئے کش ءَ شوہاز بوتگ.

رَسانک ءَ اے بلوچئے پجّار «ھسین نارویی»، کِساس 50 سالگ، رستم ئے چُک، کہ چہ پنّوچ ئے کُتیچ زِلّهئے آپ امبار دمگئے اھتبار داریں مردماں زانتگ.

رَسانک ءِ ھال سرکنوکانی رِد ءَ، اے بلوچ گوں وتی نُماسگ ءَ کُتیچ ئے جمے پیش نماز ئے میّت ءَ روگ ءَ رَند وتی دمگ ءَ پد ترّگ ءَ بوتگ کہ ماں دراگو کور ءَ سلاہ بندین ءُ بے پجّاریں مردمان ءَ آییئے سرا اُرش کرتگ.

ھال سرکنوکان ءَ گوَشتگ سلاہ بندیں مردمان ءَ لوٹتگ ھُسین ءَ آوار بجننت بلے آیی اُرش کنوکانی دیما اُوشتاتگ ءُ آیانی کاروایی ئے دیمی داشتگ۔ اُرش کنوکان ءَ ھسین ئے سرا تیرگواری کرتگ ءُ پد چہ آییئے ٹپّیگ بوھگ ءَ گاڑی ءَ سوارش کرتگ ءُ گوں وت بُرتگ۔ چُنت ساھت ءَ پد ھسین ئے بے ساھیں جون ماں مدانچ ئے کوھاں چہ راھئے کَش ءَ شوہاز بوتگ.

داں انگت ءَ جنوکانی پجّار ءُ آیانی سئوب چہ اے کار ءَ زانگ نہ بوتگ.