رَسانک نیوز/ مروچی چارشمبے 10 تیر ماہ 1405، سرکاری میڈیا ءَ گوَشتگ سب ءُ سوران ءَ چہ سلاہ بندین ءُ پجّار نہ بوتگیں مردمانی تیرگواری ءَ نزامی کارمندی کُشگ بوتگ.
سیستان ءُ بلوچستان ئے انتزامی کمانڈر ئے ھال سرکنوکیں ادارہ ءَ گوَشتگ: ستوان سئے «مهمد پلنگی، سب ءُ سوران ئے انتزامی بُنجاھئے جهمنندین ءُ بلوچیں کارمند»، چہ سلاہ بندین ءُ پجّار نہ بوتگیں مردمانی آییئے گاڑییے سرا تیرگواری ءَ ساہ داتگ.
پلیسئے ھال سرکنوکیں ادارھئے رِد ءَ، اے تیرگواری سب ءُ سوران ءَ پیش آتکگ، جنوک یانکہ جنوکانی پجّار ئے پٹ ءُ پول برجاہ اِنت.
اے ویل ھماں وھدا پیش آتکگ کہ 8 تیر ماہ ءَ «امیرھُسین اربابی»، شستون ئے سپاہ ءِ چیریں ادارھئے کارمند سلاہ بندین ءُ بے پجّاریں مردمانی تیرگواری ئے دپ ءَ کپتگ ءُ کُشگ بوتگ۔ آییئے لوگی ھم کہ اے اُرش ءَ ٹپّیگ بوتگ، سئے شمبے روچ 9 تیر ماہ ءَ چہ ٹپّانی باز بوھگ ءَ ساھی داتگ.
داں انگت ءَ جنوکانی پجّار ءُ آیانی سئوب زانگ نہ بوتگ.
Be the first to comment